باهي قلنا نمشيو لبعيد ميسالش نزيدو نثبتو، كلمنا الطيران المدني متاع اليابان بعد محاولات نهارين باش تحصلنا على واحد عندو معلومات وينجم يجاوبنا صحيح السيد هذا طيارجي غادي وإلا لا.. كلمنا الشركة لي السيد قال يخدم فيها، للأسف ماحبوش يجاوبونا اما اكدولنا لي هوما مايخدموش طيارجية ماعندهمش خبرة موش يابانيين واكدولنا لي ما عندهم حتى ab-initio تونسي..

زدنا لوجنا نلقاو لي مافمة حتى شركة طيران يابانية تعمل رحلات للإمارات..

الفضيحة لي السيد متصور مع سفير تونس في اليابان على أساس طيارجي غادي.. وبالطبيعة سي أكرم متصور معاه ب galons متاع كماندا كي العادة و pins متاع AFA.. لا حشمة لاجعرة كذب عيني عينك.. وحسب التقريب السيد لي معاه ماهوش أصلا السفير كان نزيدو نثبتو تو نطلعوه.. غير يزيه ما خذا من وقتنا...

ما نحكيش عاد على الانترفيو متاعو في الإذاعات التونسية لي يبرول فيهم بكلمتين وهوما مصدقينو وعاملين بوز كبير.
علاش هكة الفضايح علاش؟؟

ينجم يكون في اليابان يقرأ وإلا يخدم في اي خدمة والا يعمل لي يعمل.. اما راهو ماهوش "طيار تونسي في اليابان"..
أول كذاب تونسي في اليابان ممكن.. اما أكثر من هكة صعيب ياسر..

على فكرة تصاور متاعو شطرهم مسروقين من instagram.. هذاكة علاش عمرك ماتشوف وجهو في cockpit..

ويقول لي هو يسوق في Airbus... اما ال JAL ماعندهاش طيارات Airbus..

قلو "طيار في اليابان اختصاص رحلات طويلة" وأول رحلة عملها هي طوكيو - لوس أنجلوس جمعتين بعد ما قبلوه.. مسيبة الدنيا هي... اوكي حبي اوكي..

وشكراً..

update : il vient de supprimer toutes ses photos sur facebook lool

Update :
شوف نقرا في تعليقات تضحك.. أنا ماقلتش ماهوش طيار، قلت مايخدمش في اليابان.. راهو حاجة كيما هكة تجد عادي على ناس ماتفهمش في الدومان وأولهم الإعلام متاعنا لي عمرو ما يثبت للأسف.. اما راهو ماينجمش يعديها على اولاد دومان لي من أول ما شافو حكايتو فهموها.. وكلهم قالو لي هي كذبة كبيرة وتنجمو تسألوهم.. فمة بديهيات تخليك ما تصدقش حكاية.. دونك موش خاطر مكتوب في اذاعة والا موقع معروف معناها راهي صحيحة.. والسلام..